Nodeems d’Editioun vum Sk8ing Girls 2020 huet missten an digitaler Form stattfannen, hu sech de leschte Weekend tëscht 13 an 18 Auer nees iwwert 300 Leit op der Schëfflenger Skatepist afonnt fir zesummen ze skaten, u kreativen Atelieren deelzehuelen a sech mat Geschlechterfroe bei enger Partie Gender-Game auserneenzesetzen. Dräi DJanen an en Danzact  hu fir de musikaleschen Encadrement gesuergt an dat gutt Wieder huet säin Deel zur gudder Stëmmung bäigedroen. An och, wann de Sk8ing Girls all Joers am Kader vum Internationale Meederchersdag organiséiert gëtt, ass et dach ëmmer e flotten Dag fir all Geschlecht an all Alter.

Et war eng flott Zesummenaarbecht vun der Gemeng Schëffleng an der Gemeng Esch, mat de Servicer Sport a Chancëgläichheet, bei där di Jonk sech (ënnert dem CovidCheck) beweise konnten. Ënner anerem Workshoppe fir Skateboarding, Longboarding, Graffiti an Upcycling goufen ugebueden. Déi ganz couragéiert hu sech un d’Slackline getraut a sinn iwwert dem Buedem geschwierft.

Smoothien a Muffinen, souwéi d’Softdrinks goufe vum Escher Hondsveräin ugebueden a leckert Iessen aus aller Welt koum aus dem Caritas Foyer Esch-Neiduerf.

De “Sk8ing Girls” Dag huet alt nees bewisen, datt ee vu Männer a Jongen dominéierte Sport grad esou gutt vu Fraen a Meedercher gemaach ka ginn.

Hei e flotten Filmreportage realiséiert vun eisen Kollegen vun der AMCIS.

Plus d’infos

Vendredi, le 17 septembre 2021, l’ouverture de l’exposition des œuvres de l’artiste Kevin B. s’est déroulée en présence du bourgmestre, Paul Weimerskirch, des échevins Albert Kalmes, Marc Spautz et Carlo Lecuit, la galeriste, Claudia D’Incà, ainsi que de plusieurs membres du Conseil communal et du Conseil d’administration de la « Schëfflenger Konschthaus Asbl ».

Né en 1989 au Luxembourg, Kevin B. s’est entièrement consacré à l’art dès son plus jeune âge.

Son parcours, jusqu’au présent, est marqué par différentes phases, comme les grands artistes qui renouvellent leur recherche artistique, tout en restant fidèles à une marque de fabrique personnelle qui le rend reconnaissable au public.

Son style se laisse identifier avant tout par les motifs des couleurs et la force expressive que l’artiste leur confie.

L’exposition est un voyage à travers la nature, l’anthropomorphisation, l’histoire de l’art, jusqu’à l’abstractionnisme des œuvres les plus récentes.

À travers les fortes vibrations des couleurs, une rythmicité pseudo-géométrique, l’introduction d’un noir plein de caractère et de profondeur et la technique du collage si aimée par Kevin B., nous nous laissons guider par une voie de déconstruction, qui dévoile des fortes références dans l’histoire de l’art. Ce chemin aboutit, néanmoins, à la reconstruction du sens de la réalité d’une manière tout à fait singulière.

Il suffit de nous rappeler que Picasso est l’exemple suprême pour Kevin B. pour que tout son art se révèle, dans un jeu de références tantôt évidentes, tantôt inégalées par suite du remaniement extrêmement intime de l’artiste.

Nous vous invitons à découvrir ses œuvres lors de l’exposition, accessible au public du 18 septembre au 16 octobre 2021 à la galerie « Schëfflenger Konschthaus », du mercredi au dimanche de 14 à 18 heures.

Des visites guidées individuelles ou en groupes sont possibles. Pour d’éventuelles réservations, s’adresser à la galeriste Claudia D’Incà par téléphone (+352 621 638 393) ou via email ().

De 17. September 2021 huet de Schäfferot den neie Park an der Drusenheim-Strooss offiziell ageweit.

Dës nei Plaz ass en Deel vun engem gréissere Chantier (Reamenagement vum Parking an der Aloyse Kayser Strooss), deen och deemnächst fäerdeg gestallt soll ginn, a gëtt dëser symbolescher Entrée an de Kär vu Schëffleng eran dee Look, deen e verdéngt.

Bei beschtem Wieder huet den Här Buergermeeschter d’Invitéeën empfaang an erkläert wéi houfreg d’Gemeng ass, dëse Park där Madamm (1913-1967) ze widmen, déi ganz ville Kanner zu Schëffleng gehollef huet, d’Liicht vun der Welt z’erblécken. Zu där spezieller Geleeënheet war och d’Famill vun der Léonie Koullen sur Place an huet e puer Wuert iwwert di besonnesch Fra zum Beschte ginn. Frou ware mir iwwert d’Präsenz vun deem éischten an deem leschte Puppelchen, déi bei der Hiewan zu Schëffleng op d’Welt komm sinn.

D’Nadine Bertrang huet a senger Fonktioun als Präsidentin vun der CNFL d’Wichtegkeet vu Fraennimm op ëffentleche Plazen ervirgehuewen an huet der Gemeng zu dësem gudde Choix gratuléiert.

E grousse Merci goung natierlech un all d’Entreprisen an d’technesch Servicer vun der Gemeng fir di gutt Aarbecht, déi si bei der Fäerdegstellung vun dësem faarwege Park geleescht hunn.

Méi Infoen iwwert d’Madamm Koullen an hiert Liewenswierk fannt Dir an der Abrëll 2019 Editioun vum Newsmag op de Säite 14-15.

Hei e flotte Reportage vun eise Kollege vun der AMCIS an e puer Impressioune vun der Aweiung:

De Buergermeeschter Paul Weimerskirch an d’Schäffen Albert Kalmes, Marc Spautz a Carlo Lecuit hunn 9 Gemengenaarbechter op eng kleng Receptioun invitéiert fir Merci ze soen, datt si sech fräiwëlleg gemellt hunn, an deene betraffene Gemengen (Miersch a Rosport/Mompesch) eng Hand mat unzepaken.

Et waren dat:

Carole Bemtgen
Randy Braun
Steven Da Silva
Jeff Eich
Vito Lambert
Moreno Lombardelli
Joëlle Mentz
Afonso Rodrigues
Daniel Stein

Samschdes, de 17.07.2021 ass dës Equipe aus eisem Atelier technique mat zwee Camionen an enger Camionnette op Miersch gefuer, wou si de Mierscher Aarbechtskolleege gehollef hunn de Gemengenatelier ze botzen, well dëse selwer ënner Waasser stoung.

Mëttes hu si d’Mierscher Leit ënnerstëtzt andeems si hiren Dreck ewech gefouert hunn.

Déi Woch drop (19.-21.07.) sinn si zousätzlech nach mat engem Bagger op Rosport/Mompesch gefuer an hunn eng Hand mat ugepak wou Hëllef néideg war.

Fir de Schäfferot war dëst eng Action de solidarité an de Merci ass méi ewéi meritéiert.

Le Syndicat des Eaux du Sud vous invite à venir découvrir 2 de ses sites le samedi 18 septembre de 9-17 heures.

Trouvez toutes les informations utiles ici!

Vill Leit hu sech scho gefrot wat déi Deckelsmouken op dem Buede vum Trottoir bedeiten. Et ass den Ufank vun der Initiativ “De séchere Schoulwee”.

Méi Informatioune fannt Dir hei.

Eist Monument, dat den Affer vum 2. Weltkrich gedenkt, kritt eng nei Plaz.

Säit dem 7. September 2021 ass eng speziell Firma mat dem Ofbau amgaang. Stéck fir Stéck gëtt elo dat historescht Monument propper verpak a prett gemaach fir den Transport. Ab dem 20. September gëtt et dann e puer Meter weider – an deem fonkelneie Park “Léonie Koullen” (rue de Drusenheeim) – nees opgebaut.

Wärend der Europäescher Mobilitéitswoch (16.-22. September 2021) invitéiert d’Gemeng Schëffleng Iech esou vill wéi méiglech op den Auto ze verzichten an op alternativ Fortbeweegungsmoyenen zréckzegräifen!

An dësem Kader ginn och zwou Randonnéeën ugebueden (mam Vëlo an ze fouss) an zwar den 18. September 2021 ab 9 Auer moies.

Hei all d’Infoen zu den Tier:

Schëfflenger Mobilitéitswoch DE

Schëfflenger Mobilitéitswoch FR

Den 31. August 2021 huet de Schäffen- a Gemengerot am klenge Krees den Affer vum Generalstreik vun 1942 geduecht, dëst a Presenz vu Vertrieder vun der Ligue Luxembourgeoise des Prisonniers et Déportés politiques (LPPD), den Enrôlés de force, dem Syndicat d’Initiative et de Tourisme (S.I.T), de Gewerkschaften a FerroForum. Mat der Kranznidderleeung zu Esch/Schëfflenger Schmelz (Portal Lalleng) hunn d’Festivitéiten ënnert der Regie vun der Amicale Schmelzaarbechter-Musée a ronderëm de Präsident Alain Günther den Ufank gemaach. Dono ass et beim Monument op der Fräiheetsplaz zu Schëffleng weidergaangen, a genau ewéi virun 79 Joer, wou d’Aarbechter zum Streik opgeruff gi sinn, ass um Punkt 18:00 Auer d’Sireen gaangen.

A senger Usprooch betount de Buergermeeschter Paul Weimerskirch, datt mir d’nächst Joer d’Commermoratioun vun den 80 Joer nom Generalstreik feieren an datt mir zesumme mat de Resistenzorganisatiounen, mat de Kolleege vun der Amicale Schmelzaarbechter a mat FerroForum dowéinst eng würdeg Festivitéit op d’Been stelle wäerten.

Zum Schluss geet den Här Buergermeeschter drop an, datt mir ni vergiesse sollen, wat geschitt ass, déi Leit éiere wëllen, déi sech fir Fridden a Gerechtegkeet staark gemaach hunn a sech virun An halen, datt Näischt op dëser Welt selbstverständlech ass, scho guer net de Fridden an d’Gerechtegkeet.

Ried vum Buergermeeschter Paul Weimerskirch
(Et gëllt dat geschwate Wuert!)

an hei e flotten Filmreportage vun den Feierlechkeeten an eiser Gemeng

an zu Lalléng