Situatioun zu Schëffleng

 

 

Elephant Parade Luxembourg Tour 2021- och eis Gemeng mécht mat!

Vum 12. Juli bis den 13. September 2021 stinn dräi faarweg Baby-Elefanten op der Gemengeplaz. All Elefant ass een individuellt Konschtstéck. D’Statue vun de Baby-Elefanten sinn a Naturgréisst a goufe
schonn uechter déi ganz Welt ausgestallt. Zil vun der „Elephant Parade®“ ass et fir d‘Leit op d’Erhale vun den Elefanten ze sensibiliséieren (www.elephantparade.com).

Des ganz Aktioun ass natierlech mat engem flotten Gewënnspill verbonnen – kommt a maacht all mat.

All Détailler fann Dir um ugespéngelten Flyer:

Flyer Elephant Parade

Gëschter, de 7. Juli 2021, huet den Här Buergermeeschter Paul Weimerskirch a Presenz vun de Memberen aus dem Schäffen- a Gemengerot am Hall Polyvalent Diplomer un d’Participante vun de Sproochecoursen, der Formatioun Animateur A an der Formatioun Gender 4 Kids iwwerreecht.

Insgesamt 100 Leit aus 29 verschiddenen Natiounen hu säit Oktober 2020 un de Sproochecoursen deelgeholl, déi d’Schëfflenger Gemeng an Zesummenaarbecht mat der Integratiounskommissioun säit Joren ubitt. A 7 Coursë gouf owes an weekends fläisseg Lëtzebuergesch an Englesch op ënnerschiddlechen Niveaue geléiert. 49 Participanten hunn déi néideg Punkten an den Tester erreecht a kruten hire verdéngten Diplom.

Op Initiativ vun der Chancëgläichheetskommissioun vun der Gemeng Schëffleng an an Zesummenaarbecht mat der 4-motion Asbl hat d’Personal aus der Maison Relais d’Méiglechkeet un der Formatioun Gender4Kids deelzehuelen. An dësen 21 Stonne Fortbildung goung et ëm d’Geschlechteridentitéit bei klenge Kanner. D’Erzéier konnte léieren, dass Stereotyppen a Viruerdeeler an Zesummenhang mam Geschlecht e groussen Impakt op d’Entwécklung vun de Kanner hunn. Et ass deemno wichteg an den erzéieresche Strukturen d’Raimlechkeeten (Bicher, Spillsaachen, Aktivitéiten asw.) esou ze gestalten, dass de Bléck vun den typesche Stereotyppen ewech an hin zur Diversitéit leed. All Kand soll d’Méiglechkeet hunn, sech auszeprobéieren a sech selwer ze fannen. Aus der Schëfflenger Maison Relais hu 16 Erzéier tëschent Oktober 2020 a Februar 2021 un der Formatioun deelgeholl a konnten elo hiren Diplom siche kommen.

Ewéi déi lescht Jore schonn hate Persounen tëschent 18 an 30 Joer och dëst Joer nees d’Méiglechkeet, sech zum Animateur vun den Educateuren aus dem Schëfflenger Jugendhaus ausbilden ze loossen. An enger flotter, interaktiver Formatioun hunn 10 Jonker nom Motto ‘learning by doing’ wärend zwee Weekender, engem Teamdag an engem Mini-Stage am Jugendhaus geléiert, wat et heescht, Aktivitéite mat Kanner a Jugendlechen ze plangen, virzebereeden an unzeleeden. 8 Participanten konnten d’Formatioun ofschléissen a kréien zousätzlech zum Diplom vun der Schëfflenger Gemeng eng Zertifizéierung vum Service National de la Jeunesse fir net nëmme bei de Schëfflenger Vakanzenaktivitéite mee och op nationalem Niveau als Animateur kënnen aktiv ze sinn.

All d’Fotoe vun der Soirée fannt Dir an eiser Galerie.

De Formulaire fir d’Aschreiwung 2021-2022 fannt Dir bei eisen Dokumenter op Franséisch an op Däitsch.

FR

Depuis de nombreuses années, le Service de Médiation fonctionne à Schifflange et offre des médiations gratuites pour les citoyens schifflangeois, surtout au niveau des conflits de voisinage.
Plus d’informations ici ou sur la page 32 du Newsmag 261.

DE

Die Gemeinde Schifflingen hat früh erkannt, dass ein gutes Verhältnis zum Nachbarn auch einen Teil der persönlichen Lebensqualität darstellt. Seit nunmehr vielen Jahren gibt es deshalb den Mediations-Dienst, der dem Bürger der Gemeinde kostenfreie Mediationen anbietet.
Weitere Informationen finden Sie hier oder auf Seite 32 vom Newsmag 261.

Im Rahmen der Aktion „Een Dag an der Natur“ fand am 3. Juli eine lehrreiche Wanderung über den Storchenweg durch das renaturierte Feuchtgebiet mit unserem Förster Daniel Sannipoli statt.

Er erklärte sehr anschaulich die früheren und aktuellen Renaturierungsarbeiten hinter dem Dumontshaff und ging auch ausführlich auf die Probleme ein, die dazu führten, dass die Arbeiten erst demnächst abgeschlossen werden können. Er erläuterte auch, dass die Beweidung seit kurzem von Wasserbüffeln übernommen wurde, die im Gegensatz zu den Galloway-Rindern auch das gut wachsende Schilf in Schach halten können.

Die Führung war so interessant, dass bei den zahlreichen Teilnehmern, die auch aus ferneren Landesteilen angereist waren, die Zeit in Vergessenheit geraten war.

Säit 1999 gëtt zu Lëtzebuerg « Pride Week » gefeiert. De Festival (3.-11. Juli), deen elo déi 12. Kéier hannerteneen zu Esch organiséiert gëtt, gouf vu Rosa Lëtzebuerg an d’Liewe geruff. Dës Asbl setzt sech fir d’Rechter vun den LGBT Leit zu Lëtzebuerg an.

Och d’Gemeng Schëffleng weist sech tolerant an hänkt vu Mëtt Juni bis den 11. Juli 2021 de Reebou-Fändel eraus. Et goufen och Fotoe mat de Reebou-Maske gemaach. Dëst soll all Bierger dozou opruffen tolerant ze sinn – an dat natierlech d’ganzt Joer iwwer. Léift ass Léift!

Hôtel de Ville

Chancëgläichheetskommissioun

Conseil communal

Wat fir Aspeisetariffer an Investitiounshëllefe ginn et? Ass Ären Daach fir eng Photovoltaikanlag gëeegent? Wat fir Geneemegunge sinn noutwenneg? Wat ass eng Energiekooperativ? Dëst a méi gitt Dir op der Online-Konferenz den 30. Juni 2021 um 19 Auer  vun de Gemengen Esch-Uelzecht a Schëffleng an Zesummenarbescht mat myenergy gewuer!

Accès op d‘Videokonferenz kritt Dir iwwert dëse Link.

Méi Informatioune fann Dir um Flyer.

Den 18. Juni 2021 gouf den Här Jacques Welter am Gemengerot fir seng wuelverdéngte Pensioun geéiert, déi hien am Januar 2021 ugefaangen huet.

De Jacques huet säit 2004 d’Koordinatioun vum Schëfflenger Jugendhaus iwwerholl. Den Här Buergermeeschter Paul Weimerskirch sot dem Jacques “Merci fir déi gutt Zesummenaarbecht, seng Virreiderroll an der Erliefnespedagogie hei zu Lëtzebuerg a virun Allem: fir seng wichteg Aarbecht mat eiser a fir eis Jugend” an huet dem Jacques a Presenz vum Gemengerot ee Kaddo iwwerreecht.

Zënter Ufank Mäerz hu mär hei zu Schëffleng um Biergemer Wee eng Muppespillwiss. Et handelt sech ëm eng speziell amenagéiert Fläch vun ongeféier 400 Quadratmeter, wou d’Muppen no Häerzensloscht kënne lafen a rolzen. Och eng Muppen-Toilette an en Tute-Spender sinn do virgesinn.

A fir dat Ganzt och richteg “muppegerecht” ze gestalten, hu mär och nach siwe Beem geplanzt wou si am Summer de Schied kënnen opsichen.

Eis “Muppewiss” huet ongeféier 5.000 € kascht, a mär hoffen datt souwuel d’Muppen ewéi och hir Meeschtesch oder hire Meeschter vill Freed domat wäerten hunn.

Am Virfeld vun eisem Nationalfeierdag hat d’Gemeng och dëst Joer nees eng akademesch Sëtzung am Centre Sportif organiséiert.

Eng 100 Leit aus dem ëffentleche Liewe konnt de Buergermeeschter Paul Weimerskirch begréissen, ënner anerem den Éierebierger Jean Spautz an den Éierebuergermeeschter Roland Schreiner.

Bei senger Usprooch ass de Buergermeeschter Paul Weimerskirch nach eng Kéier op déi grouss Erausfuerderungen, bedéngt duerch déi sanitär Kris, vum leschte Joer agaangen an huet säi groussen Dank an déifste Respekt un all d‘Akteure vum Terrain ausgeschwat. Ouni d’Zesummenhalen an Zesummeschaffe vun all de Leit, vun all de verschiddene Beruffsbranchen, wäre mär net esou gutt aus der Kris komm bis do wou mär elo stinn. Wuelverstanen dass d’Kris nach net fäerdeg ass a mär nach ëmmer musse gutt oppassen.

D’Madamm Sandra Sidon vun der Direktioun vum Gesondheetsministère an den Här Philippe Kloos, Direkter vun der „Ecole fondamentale“ , sinn an hire jeeweilege Rieden op d’Erausfuerderunge vun de Kanner, vun den Elteren an awer och op d’Fortschrëtter a verschiddene Gebidder, déi di ganz Kris matbruecht huet, agaangen.

Als Präsident vun der Kultur-, Sport- a Fräizaitkommissioun huet den Yves Marchi, en Opruff un all Veräiner gemaach, dass mär nees sollen no vir kucken a fir Opbrochstëmmung suergen. Ouni Veräiner, déi gutt funktionnéieren gëtt et kee Gesellschaftsliewen an de Gemengen.

Um Uschloss vun de Rieden, hat de Buergermeeschter di grouss Éier siwe Leit auszezeechnen.

Sechs Leit hu fir 20 Joer am Déngscht vun der Gemeng eng Auer iwwerreecht kritt:

Vum Gemengepersonal:

• Ernestina Andrade
• Eden Jumawan
• Carine Sand

Vum Léierpersonal:

• Tessy Bertemes
• Véronique Fixmer
• Danielle Jaroszek-De Re

Fir 25 Joer am Déngscht vun der Gemeng ass de Schwammmeeschter Charles Grethen mat der „Médaille en vermeil – Ordre de la Couronne de Chêne“ ausgezeechent ginn.

Mat der Europa- an der Nationalhymne, gespillt vun eiser Schëfflenger Musek, huet dës Feier e würdegen Ofschloss fonnt.

Op dësem Link, kënnt Där dem Buergermeeschter seng Ried nolauschteren, déi hien um Radio Gutt Laun gehaalen huet:

https://www.youtube.com/watch?v=opPLmmKNKnY