Op dëser Plaz nach eemol dem Photo Club Schëffleng e grousse Merci fir hir gutt Aarbecht an déi vill Fotoen, déi si gemaach hunn.
Hei e puer Impressioune vum Weekend:
Mat grousser Trauer huet d’Gemeng Schëffleng d’Nouvelle vum Doud vum Grand-Duc Jean entgéintgeholl.
D’Gemeng Schëffleng dréckt der groussherzoglecher Famill vun Häerzen hiert Bäileed aus.
Mir soen dem Grand-Duc Jean Merci fir säin Asaz am Déngscht vum Land a fir säin Engagement fir all Bierger.
Fir déi Leit, déi dem Grand-Duc Jean méi perséinlech wëlle gedenken, läit bis de 4. Mee e Kondolenz-Buch an der Entrée vun der Gemeng. Do ka jidderee puer Wierder dra schreiwen.
Au revoir, Monseigneur!
Europawahlen 2019:
Anfrage für die Briefwahl in deutscher Sprache!! VORBEI !!
Seit dem 3. Mai kann kein Antrag für die Briefwahl mehr angenommen werden. Bitte wählen Sie am 26. Mai im Wahlbüro! Fröhliches Wählen!
Elections européennes 2019:
Demande de vote par correspondance en français!! TERMINE !!
Depuis le 3 mai, aucune demande pour le vote par correspondance ne peut être acceptée par la commune. Merci de vous rendre dans le bureau de vote le 26 mai. Bonnes élections!
De Comité vum Télévie an Zesummenaarbecht mat der Escher Gemeng hat de 7. Mäerz ganz häerzlech op eng Auditioun vun de Schüler aus dem Conservatoire vun Esch/Uelzechtan de Sall Grand-Duc Jean invitéiert.
Hei e puer Biller vun deene jonken Talenter, déi opgetruede sinn:
© Norbert Carl
De 7. Februar hat d’CSV Schëffleng op e Kniddel- a Bouneschluppowend mat de Käch Guy Kohnen an André Weber invitéiert. Bei där selwechter Geleeënheet gouf och e kulinaresche Scheck an der Héicht vun 1.500 Euro un den Télévie iwwerreecht.
Hei e puer Andréck vun der Soirée:
© Norbert Carl + Service des citoyens et de la communication
Hei de Video vun der AMCIS: Kniddel- a Bouneschluppowend CSV 07.02.19
De 06.03.19 war eng interessant Sensibiliséierungs- an Informatiounskonferenz zum Thema « Kriibsfuerschung » mat der Dr. Simone Niclou.
Hei e puer Impressioune vum Owend:
© Norbert Carl
Hei de Video vun der AMCIS: Konferenz Dr Niclou 06.03.19
Den 2. Februar ass en « alen » Hues nees op Schëffleng komm. Kuckt Iech d’Fotoe vun dëser flotter Télévie Aktioun mam Gilles Muller, de Kanner an dem Tennisclub Schëffleng un.
© Norbert Carl
Hei de Video vun der AMCIS: Meet & Greet mam Gilles Muller 02.02.19
« Zesumme fir Europa » – Stäremarsch op Schengen
Zu Éiere vum Europadag organiséiert de „Centre Européen Schengen asbl“ an Zesummenaarbecht mat de Gemenge Schengen, Mondorf-les-Bains an der Stad Réimech e Marsch op Schengen.
Ënnert dem Motto „Zesumme fir Europa“ wëlle mir en Zeeche fir e staarkt a vereentent Europa setzen. Am Kader vun den desjäregen Europawalen, wëlle mir ons Matbierger sensibiliséieren a si op déi wichteg Roll vun der Europäescher Union an dëser onstabiler Zäit opmierksam maachen. Fir d’Symbolik vun engem grenzenlosen Europa z’ënnersträiche start de Stäremarsch e Sonnden, de 5. Mee 2019 gläichzäiteg vu Lëtzebuerg, Frankräich an Däitschland mam gemeinsamen Zil „Place des Etoiles“ zu Schengen.
Départ ass um 14.30 op dem Fréijoarsmaart beim Kiosk op der Place Kons zu Réimech. Parking: um Grein an bei der Schwemm (8,6 Km).
Accueil mat Éierewäin ab 16.30 Auer virum Centre Européen zu Schengen an der Präsenz vum Aussen- an Europaminister Jean Asselborn souwéi aner Personalitéiten. Dono ginn d’Participanten op hiren Ausgangspunkt mat enger Navette gefouert. Bréngt Wanderschong an e Bidon fir Waasser mat w.e.g.
Weider Informatiounen op www.visitschengen.lu oder Tel.: 26 66 58 10
Vum 1. Abrëll bis de 27. Abrëll 2019 kritt Dir rout Ouschtereeër an all de chinesesche Restauranten zu Schëffleng offréiert, dat ganzt verpaakt an enger ökologescher Tut, mat der Erklärung wéi eng Bedeitung « rout Eeër » an der chinesescher Kultur hunn: si symboliséieren en neien Ufank a gi virun allem bei der Feier vun engem Neigebuerenen zerwéiert.
D’Alliance des Chinois (https://zhongguolux.wordpress.com) huet dës Eeër un d’Restaurante verkaf an den Erléiss vun dëser Aktioun gouf integral un den Télévie gespent.
D’Scheckiwwerreechung vu ganzer 888,88 Euro war de 15. Abrëll 2019 am Salle Grand-Duc Jean zu Schëffleng an der Gemeng. De Comité vum Télévie seet der « Alliance des Chinois – Schifflange » e ganz grousse Merci fir hir super Iddi an hiren Engagement.
