Well d’Zuele vun de Covid-19 Patienten erëm klammen, huet d’Regierung verschidde Moossname festgehalen, déi bis den 31.12.2020 gëllen. Zousätzlech zu deene Moossnamen huet och d’Gemeng verschidde Mesurë festgehalen, fir der rasanter Verbreedung vum Virus entgéintzewierken. Hei kann Dir all déi Moossnamen noliesen.
Covid-19: Informatiounen / Informations / Informationen / Informações
“ Collectif au carre” ass een interkulturellen an intergenerationelle Projet, deen d’Associatioun Mamie et Moi den 1. Oktober 2020 ugefaangen huet, mat der Ënnerstëtzung vum Familljeministère an an Zesummenaarbecht mat zwee Muséeën an der Stad.
De Projet besteet doraus eng XXL Kopie vum impressionisteschen Tableau « La petite histoire » vum lëtzebuergesche Moler Corneille Lentz, deen an der Villa Vauban ausgestallt ass, ze strécken.
Dës Reproduktioun wäert aus 5 op 5 cm klenge gestréckte Véierecker bestoen, déi vun den Awunner aus dem Grand-Duché vun doheem aus gemaach goufen. Eemol wéi e Puzzelstéck zesummegesat, weisen sie d’Bild op eng « aner » Manéier.
D’Schëfflenger CLUB HAUS BEIM KIOSK ass och mat dobäi. Wann Dir beim Projet matmaache wollt, da kenn Dir Iech bei hinne mellen.
Méi Informatioun iwwer de Projet fannt Dir op der Websäit bei Mamie et Moi.
Den 11. Oktober hunn mir di digitale Versioun vum Sk8ing girls extended lancéiert, vun där d’Schëfflenger Gemeng Partner ass. Mir publizéiere reegelméisseg flott Informatioun an Aktiounen op der Facebook– an der Instagramsäit vum Projet a ginn Iech op dëser Plaz geleeëntlech e klengen Abléck an dëse flotte Projet.
Haut wëlle mir Iech d’Sky Brown virstellen, hat ass déi jéngste professionell Skateboarderin weltwäit. Obwuel hat nach ganz jonk ass, huet hat schonn immens vill drop.
Loosst Iech verzaubere vun deenen akrobatesche Figuren a kuckt Iech dëse Vidéo un hei.
Mat der Schoulrentrée, kënnt och de Schoulbuet! Wärend d’Schoulkanner, hire Buet an de Schëfflenger Schoulen ausgedeelt kréien, kann natierlech och all aner Bierger dësen op d’Gemeng siche kommen oder via eisen Internetsite consultéieren.
Vill Spaass beim Liesen
Am Kader vun hirem 32. internationale Conseil huet d’UNESCO den 28.Oktober 2020 der Kandidatur « Minett UNESCO Biosphere » vu PRO-SUD de Label « Man and the Biosphere » zougesprach. D’Gemeng Schëffleng ass houfreg Deel vun den 11 Südgemengen ze sinn, déi mat PRO-SUD des Kandidatur eragereecht hunn.
“Dësen UNESCO Label bitt eis eng eemoleg Chance fir eise Minett an all seng Gemengen. Op dësem Wee kënne mer nach besser eis Geschicht opschaffen an d’Mënschen fir dat sensibiliséieren wat de Grondsteen fir eise Wuelstand geluecht huet… d’Stolindustrie. Dëse Patrimoine, deen no esou ville Joren lues a lues vun der Natur zréckeruewert gëtt däerf trotzdeem net verluer goen.
Am Kader vun dësem Label wäerte esou nohaltege Projeten entwéckelt ginn, déi eng harmonesch Fusioun vun der Stolindustrie an der Natur duerstellen.” – Paul Weimerskirch
An dësem Kontext ass och eng nei flott Internetsäit an d’Liewe geruff ginn. Kuckt Aerch se roueg un… www.minett-biosphere.com
Hei fann Dir den offizielle Communiqué de presse, deen an dësem Kontext verschéckt gouf.
Wéinst der aktueller sanitärer Kris, musse mir des Manifestatioun leider ofsoen.
Merci fir Äert Versteesdemech!
D’Gemeng Schëffleng an Zesummenaarbecht mat der Ëmweltkommissioun, Gaart an Heem a mat der Madamm Kollmesch vun der Ëmweltberodung Lëtzebuerg (EBL) organiséieren e Samschdeg, den 31.10.2020 vun 9:00 bis 11:00 Auer e Workshop “Wéi leeën ech eng Wëllblummewiss un”.
Wou: grouss Spillplaz an der Cité Päerchen (tëschent den Haiser 23 an 32)
Vergiesst net en Heel, e Reech oder e Spuet matzebréngen.
Umeldung bis de 26.10.2020 beim Service de l’urbanisme et du développement durable ënner oder um 54 50 61-330
DE
Nach vier Jahren intensiven Austausches, Studien und Konsultationen haben der Staat Luxemburg, ArcelorMittal und die Gemeinden Esch-sur-Alzette und Schifflange beschlossen, das Stadtentwicklungsprojekt für den früheren Industriestandort Esch-Schifflange in Angriff zu nehmen. Auf der Seite der Regierung finden Sie alle Informationen zum Stadtentwicklungsprojekt.
FR
Après quatre ans un accord relatif à la mise en œuvre de la reconversionde l’ancien site sidérurgiqued’Esch-Schifflange dans le cadre de la réalisation d’un programme d’urbanisation a pu être signé. Veuillez trouver toutes les informations relatives au projet sur le site du gouvernement.
Fir eis all ze schützen, huet de Schäfferot de Moien d‘Decisioun geholl, datt folgend Manifestatiounen ofgesot ginn:
– Aweiung vum Boulodrome (23.10.)
– Babysitter-Formatioun (24.10.)
– Nohaltegkeetsdag (24.10.)
– Vernissage vun der Ausstellung Peggy Dihé (24.10.)
– Griewerseenung (01.11.)
Méi Infoen, wéi et déi nächst Zäit weidergeet, kritt dir vun der nächster Woch un.
Mär zielen op Är Disziplin, Solidaritéit, Responsabilitéit an op Äert Versteesdemech!
Bleift gesond!
De Schäfferot
Paul Weimerskirch, Buergermeeschter
Albert Kalmes, Marc Spautz et Carlo Lecuit, Schäffen
Afin d’assurer notre meilleure protection, le Collège échevinal a décidé d’annuler les événements suivants :
– Inauguration du Boulodrome (23.10.)
– Formation Babysitting (24.10.)
– Nohaltegkeetsdag (24.10.)
– Vernissage de l’exposition Peggy Dihé (24.10.)
– Bénédiction publique du cimetière (01.11.)
Plus d’infos suivront dans les prochains jours.
Nous comptons sur votre discipline, solidarité, responsabilité et votre compréhension !
Restez en bonne santé!
Le Collège échevinal
Paul Weimerskirch, bourgmestre
Albert Kalmes, Marc Spautz et Carlo Lecuit, échevins
Passt op Iech op, fir Iech a fir déi Aner!
Hei e Message vum Ministère de la Santé:
