Am Kader vun der Orange Week 2022 huet de Schäfferot den 1. Dezember op eng Table Ronde zu engem wichtegen Thema invitéiert. Haislech Gewalt ass weiderhi ganz present an eiser Gesellschaft an et ass wichteg Opklärungsaarbecht ze leeschten an ze sensibiliséieren. Fir dës Editioun vun der Orange Week wollt d’Chancëgläichheetskommissioun sech net nëmme mat der Fro beschäftegen, wat haislech Gewalt ass, mee huet de Fokus vun der Soirée op ‘de Wee eraus’ geluecht. D’Participante vun der Table Ronde sinn deemno de Froen nogaangen, wisou et den Affer schwéier fält, sech Hëllef ze froen an sech aus dem gewalttätege Milieu ze léisen. Si hunn d’Hürden opgewisen an no Verbesserungsvirschléi gesicht. An net zulescht konnten  d’Bierger hier Froe stellen a kruten Informatiounen doriwwer, wat all eenzele konkret ka maache fir ze hëllefen.

No der Begréissung vum Här Buergermeeschter Paul Weimerskirch an a Presenz vun de Membere vum Schäffen- a Gemengerot esou ewéi der Chancëgläichheetskommissioun an enger ganzer Rei Interesséierter huet d’Madamm Manon Zoetaert duerch den Owend gefouert. Invitéeë vun der Soirée waren:

Madamm Andrée BIRNBAUM – Directeure générale vun der ‘Femmes en Détresse a.s.b.l.’
Maître Valérie DUPONG – Bâtonnière sortante vum « Ordre des Avocats du Barreau de Luxembourg » spezialiséiert am Familljerecht
Madamm Anne METZLER – Member vum Conseil d’administration vun der ‘Taboo a.s.b.l.’
Här Guy OVERMANN – Commissaire en chef vun der Police Grand-Ducale, Direction Régionale E/A – Präventiounsbüro

Als Merci kruten si en Drock vum Visuell, deen d’Illustratrice Snejana Granatkina am Optrag vun der Gemeng fir d’Orange Week 2021 designt hat. Dës Weidere mécht d’Gemeng en Don un déi eenzel Associatiounen.

Wien d’Soirée verpasst huet wäert deemnächst de Video kënnen an eiser Galerie kucken.

D’Orange Week fënnt all Joers am Kader vum internationalen Dag géint d’Gewalt u Meedercher a Frae statt a gëtt ob nationalem Niveau vum Conseil nationale des Femmes du Luxembourg. Nach bis den 10. Dezember fannen am ganze Land Sensibiliséierungscampagnen an -Eventer statt. De ganze Programm fannt Dir um Site vum CNFL.

Fir Är Solidaritéit mat den Affer ze weise kënnt Dir och weiderhin nach bis den 10. Dezember gratis orange Käerzen an den Accueil vun der Gemeng siche kommen.

Wann Dir selwer Affer vun haislecher Gewalt sidd oder eng Persoun kennt, déi an deem Fall ass, da kënnt Dir Iech op der nationaler Helpline mellen.

Orangez votre monde est une action qui va se dérouler du 25 novembre 2022 (journée internationale pour l’élimination de la violence à l’égard des filles et des femmes) au 10 décembre 2022.

Dans le cadre de la campagne de sensibilisation, la Commune de Schifflange organisera, sur l’initiative de la Commission à l’égalité des chances, une table ronde ‘violence conjugale – la voie de sortie’, jeudi le 1er décembre à 19h00 à la Salle GD Jean (Hôtel de Ville).

A l’entrée du bâtiment communal, vous pouvez récupérer une bougie gratuite. En allumant cette bougie de couleur orange vous pouvez marquer votre solidarité avec lesfemmes et filles victimes de violences.

Veuillez trouver les actions organisées dans le cadre des semaines oranges au plan national dans le programme ci-dessous :

Orange week – programme 2022

Le programme sera actualisé régulièrement sur le site du Conseil National des Femmes du Luxembourg (CNFL).

Si vous êtes victime de violence domestique ou si vous connaissez quelqu’un qui l’est, n’hésitez pas à contacter la Helpline.

D’Police Lëtzebuerg erënnert Iech drun, Iech Gedanken ëm d’Sécherheet vun Ärem Doheem ze maachen. Hei de Flyer mat deene wichtegsten Informatiounen op verschiddene Sproochen: