Déi 25te Editioun vum Eurofestival an der Vendée ass zu Enn (Deel 5)

D’Concourse Fotografie, Kachen, Stroossentheater ewéi och d’Culture performace an d’Molerei hunn de Grondstee geluet, datt Schëffleng beim Jubiläumstreffe vum Eurofestival déi zweete Plaz erräicht huet. An der Fotografie huet de Romain Thorn mat sengen zwou Fotoe gewonnen, d’Kachequipe huet mat der Feierstengszalot, zerwéiert mat gebootschte Gromperen och iwwerzeegt a huet sech déi zweete Plat erkacht. Op déi éierevoll véierte Plaz huet eis Stroossentheaterequipe sech placéiert, an och bei Presentatioun vum Musical Melusina huet d’Museksband ronderëm den Eric Gherardi sech op déi véierte Plaz klasséiert. D’Bild vum Vivian Briscolini gemoolt, huet aacht Punkte kritt an domatter Plaz sechs geséchert.

Zesumme mat de Punkten aus de Sportkompetitiounen (ze liesen an de véier Artikele vun der leschter Woch) ass dat mat 96 Punkten d’Plaz zwee ginn, hannert dem Gewënner Spuenien (98 Punkten) a viru Litauen. Merci sot de Lex Stammet, President, alle Leit a Participanten aus dem Eurofestivalteam Schëffleng, eng Delegatioun zesummegesat aus Schëfflenger Matbierger respektiv Memberen aus Schëfflenger Veräiner. Bei sengem leeschten Engagement als President beim Eurofestival ass d’Sëlwer Medail e flotte Cadeau d’adieu. De Schäffe Paul Weimerskirch sengersäits huet op der Plaz der Equipe ronderëm de Lex Stammet an der Sekretärin Josiane Dahm Merci gesot.Och dëst Joer wor de Festival nees e flotte Rendezvous vun de Kulturen aus Europa, a Schëffleng wor aktiv dobäi.

Per SMS hunn de Buergermeeschter Roland Schreiner (Gutt geschafft, all Respekt a Merci) an de Carlo Feiereisen (Super, Topleeschtung) der Delegatioun felicitéiert: Bleift nach ze soen, datt um leeschten Dag déi sou genannte Funny Games ofgehale gi sinn an datt Fest no den offizielle Merci-Riede mat engem faarwege Feierwierk bei Danz a Musek ofgeschloss ginn ass.

D‘Gemeng Schëffleng invitéiert op den OPEN-AIR KINO, den 25. an 26. August 2017 um Terrain 1 an der Denis-Netgen-Strooss.

Demande de vote par correspondance allemand

Demande de vote par correspondance français

Schëffleng bei der 25te Editioun vum Eurofestival an der Vendée (Deel 4)

Et war knapp an d’Team Schëffleng hätt am Futtball eng Medail gewonnen. Als Gruppenzweeten stoung eis Equipe an der Véierelsfinall géint Irland a gewënnt no Eelefmeterschéissen, huet dunn awer leider an der Halleffinall géint Litauen verluer. Am Spill ëm déi drëtten Plaz hunn dunn d’Schotten gewonne. Eng éierevoll véierte Plaz deemno, an eng zefridden Equipe vu Schëffleng. Den Eurofestival steet och fir Folklormusék, ewéi all Joer huet déi spuenesch Delegatioun fir vill Stëmmung gesuergt. Gëschter Owend huet de Museksgrupp de Musical Melusina ënnert der Leedung vum Eric Gherardy virgestallt.

La Châtaigneraie ass eng léif kleng Uertschaft mat ville pittoresken Ecker a Charme. Eng Stadt, een Duerf eigentlech, wou déi ekonomesch Entwécklung sech als relativ duerstellt. De Buergermeeschter Nicolas Maupetit ass allerdéngs voller Hoffnung, datt et deemnächst nees biergop geet. Och den Eurofestival ass wichteg fir d’Regioun ronderëm La Châtaigneraie, sot hien am Gespréich mam Schäffe Paul Weimerskirch, deen den Eurofestivalteam Schëffleng begleet huet.

Schëffleng bei der 25te Editioun vum Eurofestival an der Vendée (Deel 3)

Mat e bësse Chance a Schëffleng gewënnt den Tournoi am Badminton. An der Final huet sech eis Equipe missten dem Gastgeberland an Organisateur vun La Châtaigneraie geschloen ginn, awer wierklech knapp. Trotz allem ass déi zweete Plaz gefeiert ginn a nei Frëndschaften tëschent béiden Teams sinn entstanen. Och am Schwammen ass et besser gelaf (oder geschwommen) ewéi erwaart. Eis Equipe ass no bravorösen an ustrengenden Längten an den Top Ten klasséiert ginn.

Net nëmme Sportleches stoung um Programm. Eis Kachequipe war och am Asaz an huet Feierstengszalot mat Gromperen als kulinaresch Spezialitéit aus Lëtzebuerg offréiert. Et ass am Fräien gekacht ginn an d’Leit aus der Uertschaft konnten nokucken, sech informéieren a natierlech och schmaachen. E grousse Undrang huet gewisen, datt eis Kachequipe eng fein Zalot preparéiert huet.

Den Eurofestival ass jo vrun allem den Austausch vun de Kulturen aus verschiddenen Länner. Dat geschitt während dësen Deeg op vill Manéieren. Europa lieft, Europa ass eenzegaarteg. Dëse Festival steet am Zeeche vum Mateneen, wou nei Brécke geschloe ginn, esou de Buergermeeschter Nicolas Maupetit. Bleift nach ze soen, datt gëschter Mëttwoch um fräien Dag d’Lëtzebuerger Delegatioun um Puy du Fou op Visite war, an e Meeting mat e.a. de Wikinger, de Mousquetaire de Richelieu an anere Gesellen aus der Geschicht hat! Impressionnant och de Ballet des Oiseaux.

Et war dëst Joer schon fir d’fënneft, dat den 12. an 13. Juli 2017 an der Nelly-Stein-Schoul e Musical opgefouert gouf.

Dëst Joer krut de begeeschterten Public en Abléck an « Dat geheimt Liewen vun de Piraten ».

An dësem Stéck vum Andreas Schmittberger hunn ronn 100 Schüler aus den Zyklen 1 bis 4 gedanzt, virgespillt a gesongen, wéi aus enger grujeleger Trupp Piraten eng musékbegeeschtert Boy-Band gouf. Richteg: eng BOY-Band, well ouni Baart huet een net dierfen matmaachen… ausser natierlech der Prinzessin Filomena an hirer Gouvernante Donna Dolores, ouni déi eis Piraten zimlech schlecht drun gewiescht wären!

Fir di musikalesch Begleedung hunn, wéi all Joers, di Dozen Muséker aus dem Stein-Schoul-Live-Orchester ënnert der Leedung vum Marc Treinen gesuergt.

Di flott Dekoren waren vun den Léierinnen Natascha Lang an Jill Nürenberg, déi dobäi vun enger Rutsch Schüler gehollef kruten.

Regie gefouert hunn Claudine Treinen-Dahm an David Lauer. Ënnerstëtzt goufen si vun der ganzer Equipe aus der Stein-Schoul.

Um Enn huet den Publikum, ënnert hinnen d’Elterevertrieder aus der Stein-Schoul, den Schoulschäffen Paul Weimerskirch an den Schoulinspekter Marc Bodson, net mat Applaus geknéckt, sou dat et och nach eng Zugab gouf!

Schëffleng bei der 25te Editioun vum Eurofestival an der Vendée (Deel 2)

Et ass fir déi Schëfflenger Delegatioun net zu de gewinnte Succès am Basket a bei Pétanque komm. Gewënner an den zwou Kompetitioune ware jeeweils d’Fraen a Männer aus Radviliskis a Litauen, do wou dat nächst Joer den Eurofestival ofgehale gëtt. Am Basket ass et no interessante Matcher a knappen Ausenanersetzungen déi véierte Plaz ginn. Gutt geschloen a mat Engagement gespillt, an awer ëmmer nees knapp verluer, ass eise Pétaboules-Team op Plaz aacht gelant. Eng éierevoll Plaz op alle Fall. Mat e bësse méi Gléck, wien weess …!

Am Asaz och eis Equipe beim Stroossentheater. Fräi nom Motto vum Eurofestival „Happiness“ ass eng Geschicht vun engem klénge Meedchen erzielt ginn, datt op der Sich no Gléck a Frëndschaft ass. Haut stinn d’Kompetitiounen am Schwammen an am Badminton um Programm. Eis Kachequipe offréiert haut Feierstengszalot mat Gromperen als kulinaresch Spezialitéit aus Lëtzebuerg.

Drei Wochen hat sie gedauert und nun ist sie vorbei – die « Tour de France ». In diesem Jahr hatte Luxemburg das Glück ein Teil der „Grande Boucle“ zu sein. Für unsere Gemeinde Schifflingen war es eine ganz besondere Ehre, an der Durchfahrt durch Luxemburg beteiligt zu sein. Denn ein Einheimischer war mit von der Partie. Ben Gastauer hatte nicht nur das Glück an dem großen Radsportereignis teilnehmen zu dürfen, sondern er fuhr dieses Jahr auch noch durch seine Heimatstadt.

Es ist bereits das vierte Mal, dass Ben Gastauer an der „Tour de France“ teilgenommen hat und das mit reichlich Erfolg. Er strampelte sich beim diesjährigen Wettkampf auf Platz 37 des Gesamtklassements.

Die Gemeinde Schifflingen ist reichlich Stolz auf ihn und gratuliert ihm herzlichst zu diesem Erfolg. Wir drücken Ben Gastauer die Daumen, dass es in den nächsten Jahren bei der „Tour de France“ genauso gut läuft.

Schëffleng bei der 25te Editioun vum Eurofestival an der Vendée

Ronn 50 Leit aus de Veräiner vu Schëffleng sinn e Samschden zu „la Châtaigneraie“ ukomm fir zesumme mat 13 aneren Lännerdelegatiounen den Eurofestival ze feieren. Dëse Meeting ass de Rendez-vous vu den europäesche Bierger a Kulturen. Um Programm sti sportlech Kompetitiounen an de kulturellen Austausch. Déi kléng Dierfer vum „Pays de la Châtaigneraie“ – alleguer mat Charme a pittoreske Gebaier – si prett fir während e puer Deeg den Zentrum vun Europa ze sinn.

Och déi Schëfflenger Delegatioun ënnert der Leedung vum President Lex Stammet a vun der Sekretärin Josiane Dahm, alle béid aus dem Eurofestivalteam Schëffleng, ass voll motivéiert fir un de Kompetitiounen Basketball, Pétanque, Football a Fiederball ze participéieren. Mat dobäi och eng Strëpp vun der Schëfflenger Musék, déi de Musical Melusina presentéiert an fir de Stroossentheater responsabel ass. Um Programm dann och nach de Fotoconcours, wou de Romain Thorn flott Biller fanne wäert an de Molconcours mat der Kënschtlerin Viviane Briscolini. Donieft gëtt och eng kulinaresch Spezialitéit aus Lëtzebuerg gekacht.

Gëschter waren d’Zeremonie d’Ouverture an der Kierch mat enger ökomenescher Feier, duerno d’Opening Parade mat dem Ëmfang am Eurovillage, wou sech alles ofspillt. Leider huet d’Wierder net bis zum Schluss matgespillt. Egal vun haut Méinden, dem 24 Juli bis e Freiden geet et lass. „Europa lieft, Europa ass faarweg. An d’Sonn, déi sech hannert de Wolleke verstoppt huet, ass an den Häerzer vun de ronn 500 Leit, déi sech an der Vendée afonnt hunn,“ esou déi verschidde Riedner bei der Erëffnungszeremonie. Nieft dem Gastgeber a Lëtzebuerg participéieren Arenda de Duero (aus Spuenien), Athlone (Irland), Dunnoon (Schottland), Bad Segeberg (Däitschland), Frederikssund (Dänemark), Zlocienec-Wierzchowo (Polen), Szentendre (Ungarn), Radviliskis (Litauen), Rezekné (Lettland) a Raseborg (Finnland).

Et gi sécherlech flott an interessant Deeg mat faarwegen a phantasievollen Spektakelen.

Avec des températures agréables a démarré jeudi matin, le 20 juillet, le „Senioreninfodag“. La place de la liberté devant la commune était bien occupée. 22 exposants ont présenté leurs produits et services dédiés aux besoins des seniors. Les visiteurs ont eu l’occasion de s’informer toute la journée auprès des exposants. Le club de gymnastique pour seniors du « Club Haus beim Kiosk » a assuré une ambiance agréable et amusante avec leur séance de gymnastique. Les participants ont fait leur entraînement accompagné de musique rythmique en plein milieu de la grande place.

Les « Schëfflenger Globetrotters » ont organisé une randonnée de cinq kilomètre pour les seniors.

Vers midi les visiteurs se sont rassemblés autour de la buvette et ont passé un moment convivial en mangeant et en bavardant.

Le « Senioreninfodag » est organisé tous les deux ans par le collège échevinal et par la commission des seniors.

La veille la commission des seniors avait déjà organisé une conférence au sujet de la « démence », à la commune dans la salle « Grand-Duc Jean ».