Am Kader vum Télévie 2019 wäert d’Gemeng Schëffleng ee vun de fënnef “Centre de promesses nationaux” sinn. An dësem Kontext hunn d’Auteuren an d’Kënschtler Carine Cahen an Nico Bouché der Gemeng proposéiert ronn 20 Tableauen zur Verfügung ze stëllen, fir dës am Kader vum Télévie ze versteeën. Bei dësen Tableauen handelt et sech em Biller aus dem Kannerbuch “Chester a Flecki”. Dëst Buch hunn déi zwee Kënschtler gemeinsam publizéiert. Den Erléis vun dëser Stee fléisst integral un Télévie.

De Verlaf vun der Stee

D’Tableaue mam “Chester a Flecki” ginn de Moment an der Gemeng ausgestallt. Mir invitéieren Iech also häerzlech op d’Gemeng laanscht luussen ze kommen an dës flott d’Tableauen ze entdecken. Wann dir fir een, oder souguer méi vun dësen Tableaue wëllt eng Offer of ginn, da kënnt dir dës sur Place op der Gemeng maachen. Heifir leien Ziedelen bereet, déi Dir an eng Urn, um 1. Stack vun der Gemeng kënnt ageheien.

De minimal Präis fir déi kleng Tableaue läit bei 50€, fir déi grouss Tableaue bei 100€. Den Tableau gëtt un déi Persoun verkaf, déi am meeschte bitt. Am Fall, dass ob een Tableau méi Persounen de selwechte Präis bidden, mécht d’Gemeng en “tirage au sort”, dëst natierlech ënnert der Opsiicht vun engem Huissier de justice.

Déi definitiv Keefer gi beim offizielle Lancement vum Télévie, den 1. Dezember 2018, annoncéiert.

Kommt also laanscht a maacht mat, fir de gudden Zweck. Mir géingen eis freeën!

D’Buch vum “Chester a Flecki” kritt Dir op der “Bicherwoch” an der Gemeng Schëffleng (Salle Grand-Duc Jean) ze kaafen.

Den Owend vun der Présentatioun vum Buch « Chester a Flecki »

Dat huet de Joergang vun1937/38 sech och geduecht an huet en Opruff un all hir Kollegen a Kolleginne gemaach fir sech den 8. Oktober 2018 an hirer Heemechtsstad Schëffleng erëm ze gesinn. Si goufen an der Gemeng vum Buergermeeschter Paul Weimerskirch empfaangen a konnten hei bei engem klenge Patt iwwert al Zäite poteren. 80 Joer ass e schéinen Alter an do koum dunn och déi eng oder aner Anekdot vu fréier op d’Tapéit. 

Wei all Joer hat d’Regierung en Opruff un all d’Gemengen gemaach fir den éischten Weekend am Oktober un all d’Affer vum zweete Weltkrich tëschent 1940 /1945 ze gedenken.

Hei zu Schëffleng huet den 6. Oktober de Gedenkakt  mat enger Kranznéierleeung virum zentrale Monument op der Gemengeplaz ugefaangen, éier de Schäfferot op eng feierlech an ergräifend  Receptioun an  d‘„Salle Grand-Duc Jean“ invitéiert huet.

A senger Ried ass de Buergermeeschter Paul Weimerskirch nach emol op di schrecklech Zäit wärend dem Krich agaangen an huet drop higewisen  dass des Evenementer ni däerfen an Vergiessenheet geroden. Mär mussen den Jugendlechen vun haut erzielen an erklären wat deemools geschitt ass an dass et net selbstverständlech ass, dass mär haut a Rou a Fridden hei zu Lëtzebuerg kënnen liewen. Dofir sinn esou Gedenkfeieren ëmsou méi wichteg an et soll och an eisen Schoulen thematiséiert ginn fir dass di jonk Leit besser verstinn wat eis Elteren oder Grousselteren matgemaach hunn an fir eis d’Land gekämpft hunn.

E flotte Film realiséiert vun der AMCIS huet Privatleit a Vertrieder vun verschiddenen Associatiounen zu Wuert komme gelooss an sie gefrot welch Bedeitung den Dag vun der „Commémoration“ fir si huet a welch Erënnerungen si domat verbannen. ( Am Link ënnert dem Text ass de ganzen Film ze gesinn).

D’Schëfflenger Musek huet di ganz Feierlechkeeten musikalesch begleet an nom Spillen vun der Europa- an der Nationalhymne huet de Schäfferot op en Éierewäin invitéiert.

Link Vidéo

D’Gemeng Schëffleng ass offiziell Centre de promesse fir den TÉLÉVIE 2019. Fir dëser grousser Verantwortung gerecht ze ginn huet d’Gemeng Schëffleng op eng éischt Reunioun mat de lokale Veräiner an natierlech der Equipe vum TÉLÉVIE invitéiert. Bei dëser Geleeënheet gouf och de Nico Rehlinger als President vum neien Organisatiounscomité virgestallt.

Duerno hunn d’Diane Wunsch an de Patrick Greis an enger flotter Presentatioun de Leit den Oflaf erkläert an hier Erfarungen aus de vergaangenen Joren gedeelt. D’Coordinatrice vum TÉLÉVIE huet och präziséiert, dass entretemps déi gesammelt Suen net méi nëmmen an d’Fuerschung géint de Kriibs bei de Kanner geet, mee insgesamt an d’Fuerschung géint de Kriibs. An dësem Zesummenhang wäert och zu engem spéideren Zäitpunkt eng Informatiounsversammlung stattfannen, wou d’Madame Wunsch zesummen mat engem Dokter den interesséierten Leit Detailer erkläert wou d’Suen vum TÉLÉVIE 2019 wäerten hifléissen.

Insgesamt wuar déi Schëfflenger Veräinswelt gutt vertrueden an se hunn och scho hier Ënnerstëtzung zougeséchert.

No gréisseren Embauaarbechten ass d’Entrée vun der Gemeng fäerdeggestallt an d’Leit kënnen d’Haaptentrée nees benotzen fir an d’Gemengenhaus ze kommen.

Der Petanque-Klub “Pétaboules” und die Tierauffangstation sollen in neuen Gebäuden untergebracht werden. Im Juni haben die Abrissarbeiten der aktuellen Strukturen begonnen. Der Schöffenrat feierte am 2. Oktober den ersten Spatenstich für den Bau der neuen Infrastrukturen. Die Bauarbeiten sollen voraussichtlich im Dezember losgehen.

Mehr zum Thema finden Sie in unserem Newsmag No.243:                                                                                           oder im Pressedossier:

En date du jeudi, 27 septembre 2018 la nouvelle rue de Drusenheim a été inaugurée en présence du ministre du Développement durable et des Infrastructures François Bausch, du Collège des bourgmestre et échevins de la Commune de Schifflange, de la direction des Chemins de fer luxembourgeois et des Ponts&Chaussées et bien évidemment d’une délégation de la Ville jumelée de Drusenheim. L’ouverture de cette rue a permis la fermeture des deux passages à niveau situés à la rue de Hédange (PN91) et la rue de la Gare (PN91a). Fin octobre (27.10) le troisième et dernier passage à niveau PN92 dit « Beim Rio » sera fermé définitivement.

Certes, ces changements au niveau de l’urbanisme et de la mobilité amélioreront la qualité de vie des citoyens schifflangeois, mais contribueront également à une meilleure fluidité du trafic routier et à une hausse de la sécurité publique en général.

Pour plus d’informations, veuillez consulter le dossier de presse ou l’allocution du bourgmestre Paul Weimerskirch.

Den 22. September war Equinoxe, also Tagundnachtgleiche. Equinoxe ginn déi zwee Deeg am Joer genannt un deenen den Dag genau esou laang ass wei d’Nuecht.

Ze beobachten ass eng Equinoxe reegelméisseg zum Freijoersufank oder wei elo zum Hierschtufank.

(Foto: Roby Kieffer)

Zanter 20 Joer organiséiert d’Schëfflenger Schoulpersonal eng grouss « Spaghettiaktioun » fir all Schëfflenger Schoulkanner. Fir 5 Euro kann all Kand deen Dag esouvill Nuddelen iessen wei et packt an di gesammelt Suen ginn uschléissend un eng karitativ Associatioun gespent.

Well et dëst Joer schonn déi 20. Kéier war,   wollt de Schäffen- a Gemengerot dem Léierpersonal op eng besonnesch Manéier MERCI soen fir hiert Engagement an huet de Spiiss des Kéier ëmgedréint.

Et war de Schäffen- a Gemengerot déi den 27.09.2018 eng „Spaghettiaktioun“ fir d’Léierpersonal organiséiert haten. Pünktlech um 08.00 Auer sinn déi éischt fläisseg Hänn am „Centre Senior“ agetraff an hunn ugefaangen mat Kachen a Brachen fir dass d’Iessen pünktlech um 12.00 Auer un di  50 Schoulmeeschteren konnt servéiert ginn.

Uschléissend war d’Scheckiwwerreechung. Dëst Joer sinn d’Spenden un folgend dräi Associatiounen gaangen:  „Anges d’Afrique“, „Narin Asbl“ an „Bonnievale Projects Asbl“

Wéinst dem „Jubiläum“ huet de Gemengerot an senger Gemengerotssitzung vum  13. Juli 2018 eestëmmeg den Erléis net wei gewinnt verduebelt mä esouguer verdräifacht.

Et ass esou wäit! – Déi nei Unterführung ass op!

Säit dem Owend vum 25. September, ass d’Unterführung an der ,,rue de Drusenheim” fir de Verkéier op.

D’Barrièren an der “rue de Hédange” an der “rue de la Gare” sinn ab elo fir den Verkéier zou.

 Foussgänger kënnen d’Barrièren allerdéngs nach passéieren bis d’Infrastrukturen ronderëm d’Gare definitiv a Stand gesat goufen.

____________________________________________________________________________________

Le jour est arrivé ! – La nouvelle rue de Drusenheim est ouverte!

Le passage souterrain de la nouvelle rue de Drusenheim est ouvert à la circulation depuis le 25 septembre.

Les passages à niveau des rues de Hédange et de la rue de la Gare sont désormais fermés à la circulation.

Toutefois, les piétons peuvent encore franchir les passages à niveau jusqu’à ce que les travaux d’infrastructure autour de la gare soient terminés.